جیهانی
سەرۆكی پەرلەمانی توركیا:پەكەكە بەرهەمی ئەم خاكە نیە‌
  03/10/2015
  1019
سەرۆكی پەرلەمانی توركیا لەبارەی پەكەكەوە دەڵێت: ئەم رێكخراوە بەرهەمی ئەم خاكە نییە، لەوانەیە هەندێك جار رێگەی تێبچێت لەناو خەڵكەوە بێن .ئاماژە بەوەش دەكات پەكەكە داردەستی هێزە دەرەكییەكانەو پێویستە میللەتە خۆشەویستەكەمان زۆر باش ئەوە بزانێت، ئایا كوشتنی كەسانی بێتاوان دەكرێت هیچ پەیوەندییەكی بە گەڕان بەدوای مافدا هەبێت؟
عیسمەت یڵماز، سەرۆكی پەرلەمان جەختی لەوەكردەوە رێكخراوی تێرۆریستی گەلی لەپشت نییە و وتی: لە رووداوەكانی جزیرە یاخود ئەو رووداوانەی لەشوێنەكانی دیكە روویاندا ویستیان گەل پشتیان بگرێت. بەڵام بەهیچ شێوەیەك گەل پشتی نەگرتن. گەل هیچ كاتێك پشتی رێكخراوی تێرۆریستی ناگرێت كە بووەتە داردەستی هێزە دەرەكییەكان .
یڵماز باسی لەوەكرد هەواڵگری هێزەكانی تەناهی زۆر بەهێزە و كاری هەواڵگری زۆرباش لەسەر ناوەندە لۆجستییەكان و كەمپەكانی پەكەكە كراوە و لەسەر بنەمای ئەم كارانەش ئۆپەراسیۆنی زۆر كاریگەر ئەنجام دراون و ئەنجامی بەرجەستە بەدەستهاتوون

زیاتر ...
په‌ڕه‌یله‌ 8
ژماره‌ی بابه‌ت