کوردستانی
تێوەگلاندنی دامەزراوە ئایینییەکان لە قەیرانی سیاسی دا... قەیرانی کەنداو بە نموونە‌
  10/06/2017
  242
تێوەگلاندنی دامەزراوە ئایینییەکان لە قەیرانی سیاسی دا... قەیرانی کەنداو بە نموونە دكتۆر احمد وەرتی دەمێکە ناوەند و دامەزراوە ئایینییە گرنگ و جیهانییەکان ڕادەکێشرێنە نێو گەمەی سیاسی و لە قەیرانە سیاسییە دروستکراوەکاندا تێوە دەگلێنرێن. لە شەڕی یەکەمی کەنداودا (هیئە کبار العلما‌و) ی سعودی فتوای ئەوەیان پێدرا کە (الاستعانە بالکفار) دروستەو، لە گەمەیەک تێوە گلان کە لە مێژ بوو نەخشەی بۆ کێشرابوو و، مەرەکەبی نووسینەوەی وشك ببۆوە بۆ هێنانی هێزی بیانی بۆ کەنداو و ناوچەی خۆرهەڵاتی ناوەڕاست و داگیر کردنی، هەرچەندە زانا گەلێکی وەک (سفر الحوالی) دژی ئەو بڕیارە وەستانەوەو وتیان ئەوەی بڕیار دەدات دواجار (اصحاب الفچیلە والعلما‌و) نییە، بەڵکو (اصحاب السمو والجلالە) یە ! لە کودەتای میسر بە سەر شەرعیەتی محمد مورسی و خەڵتانی خوێن کردنی هەزاران رۆژووەوانی بێ تاوان لە ساڵی 2013 لە مەیدانەکانی رابیعەو نەهزەی قاهیرە (ئەزهەر) تێوەگلا و لەگەڵ کودەتا چی و کاهینەکاندا لە دیمەنی شەرمەزاری کودەتادا دەرکەوتن و، پاشان بوونە بەشداری خوێنڕشتنی مسوڵمانان و هەتککردنی ئابڕ و و شەرەفی ئافرەتە بە حورمەتەکان.. هەر ئەزهەر بە بڕیاری سیسی بەشداری کۆنگرەی چیچانی بن باڵی ڤلادیمێر پۆتین- یان کردو لەوێوە ڕایانگەیاند (وەهابیەکان و ئیخوان) بەشێك نین لە ئەهلی سوننەو جەماعەو نیوەی ئوممەتیان لە ئەهلەکە کردە دەرەوە ! ئێستاش لەو قەیرانەی کەنداودا کە دژ بە قەتەر دروستکراوەو ئامانج لێی لێدانە لە بێداری ئیسلامی و هۆشیار بوونەوەی گەلانی ناوچەکەو خواستەکانیان، (رابگە العالم الاسلامی) کە ڕێکخراوێکی ئیسلامی جیهانییەو بارەگاکەی لە مەککەی پیرۆزەو، لە رابردوودا خزمەتێکی زۆری کردووە، بە تایبەت لە میانەی (مجمع الفقە الاسلامی) دا، لەو قەیرانە تێوە گلێنرا، لە باتی ئەوەی رۆڵی برایانەو ئاشتیانە لە نێوان لایەنەکاندا بگێڕێت و هەوڵی ئاشتەوایی بدات، دێت پشتیوانی لە بڕیاری سعودیەو ئیماڕات و بەحرێن و میسر دەکات و، ئەو کەسایەتی و زاناو ڕێکخراوە خێرخوازیانە بە تیرۆریست لە قەلەڵەم دەدات و بەیاننامەیەک بڵاو دەکاتەوە کە خراپترە لە بەیاننامەی سیاسی ئەو وڵاتانەی ناومان بردن، تەنانەت زانای گەورە و ئەندامی رابیتەکەیان و مەجمەعی فیقهی ئیسلامیی (د.یوسف القرچاوی) لە ئەندامێتی دەکاتە دەرەوە. لە کۆتایی بەیاننامەکەدا رابیتە دەڵێت ( القیم الإسلامیە والإنسانیە والقوانین واڵاعراف الدولیە ترفچ التدخل فی شۆون الدول، فچلاً عن العمل لزعزعە أمنها واستقرارها من خلال إیوا‌و ودعم المنڤمات والجماعات المتگرفە، والترویج الإعلامی لمخگگاتها)، باشە گەر بەها ئیسلامی و مرۆییەکان و یاساو ڕێسا نێودەوڵەتییەکان دەستوەردان لە کاروباری وڵاتان رەت دەکەنەوە..ئەی بەڕێزانی (اصحاب الفچیلە والعلما‌و) ئەم مافە بە هەمان شێوە بۆ قەتەریش نییە کە وڵاتەکانی ئێوە پشتیوانیان دەکەن دەستوەردەدەنە کاروباری ناوخۆیان و تۆمەتبارکردنی زاناو کەسایەتیەکانیان بە خراپەکار و تیرۆریست؟! ئەی بە پێی ئایینی ئیسلام و دەقی قورئانی پیرۆز نابێ لە هەر هەواڵ و تۆمەت و بوختانێك بە مسوڵمانان دەکرێت (تبین) بکرێت و، بگەیت بە ڕاستی و دڵنیایی ئینجا بڕیار بدەیت ؟! ( ێا أَیُّهَا الَّژِینَ ێ‌َمَنُوا إِنْ جَا‌وَكُمْ فَاسِقٌ بِنَبَأٍ فَتَبَیَّنُوا أَنْ تُصِیبُوا قَوْمًا بِجَهَاڵەٍ فَتُصْبِحُوا عَڵی مَا فَعَلْتُمْ نَادِمِینَ ) سورەتی حوجورات، ئایەتی (6). فلا حول ولا قوە الا باللە.!!

زیاتر ...
په‌ڕه‌یله‌ 8
ژماره‌ی بابه‌ت