کوردستانی
تۆپخانەکانی ئێران لە ناوخۆی کوردستان دژی ریفراندۆم دەخرێنە گەڕ‌
  12/06/2017
  234
تۆپخانەکانی ئێران لە ناوخۆی کوردستان دژی ریفراندۆم دەخرێنە گەڕ دكتۆر عثمان عەلی دوای راگەیاندنی رۆژی ئەنجامدانی گشت پرسی لە هەرێمی کوردستان لە رێکەوتی ٧ی ئەم مانگە لە دوای کۆبوونەوەی سەرۆکی هەرێمی کوردستان لەگەڵ لایەنە سیاسیەکانی هەرێم جگە لە بزووتنەوەی گۆڕان و کۆمەڵی ئیسلامی کوردستان، رۆژنامەنوسانی سنوری سلێمانی دەیلێن: تۆبخانەکان لەلایەن گۆڕان و میدیاکەیەوە بەرامبەر ریفراندۆم و سەرۆکی هەرێم و هاو ئاوەزەکانی دەستی پێکردووە. هەر دوای راگەیاندنی رۆژی ٢٥ی ئەیلولی ئەم ساڵ وەکو رۆژی ئەنجامدانی گشت پرسی لە باشووری کوردستان و پێکهێنانی کۆمیتەیەک بە سەرۆکایەتی مەسعود بارزانی سەرۆکی هەرێمی کوردستان بۆ ئەو مەبەستە، کاردانەوەی نێو خۆیی و دەرەوەی کوردستانی بەدوای خۆیدا هێنا، لە پاڵ ئێران و تورکیا و بەغدا، گۆڕان و میدیای باڵی دەست رۆیشتووی یەکێتیش چونە ئەو بەرەی و تۆبخانەکانیان بۆ دژایەتی کردنی ئەو پرسە خستە گەڕ. پاش ئەوەی بیهرام قاسمی، وتەبێژی وەزارەتی دەرەوەی ئێران دوێنێ شەممە رایگەیاند “ئەو بڕیارە بۆ ئەم كاتە كێشەكان زیاتر دەكات، بەتایبەت كە ئێستا ناوچەكە بە كۆمەڵێك گرفتی زۆردا تێدەپەڕێت و عێراق بەیەكپارچەیی و یەكگرتوویی بەهێزە و دەتوانێت رووبەڕووی ناحەزان ببێتەوە” ئاماژەی بەوەشكرد، كە كوردستانیش بەشێكە لەعێراق و ئێمە لەگەڵ پارچەپارچەبوونی عێراقدا نین، بزووتنەوەی گۆڕانیش دوای ئەنجامدانی کۆبوونەوەی جڤاتی نیشتیمانی حزبەکەی، لە راگەیێنراوێکدا دژایەتی خۆیان راگەیاند. ئەم راگەیێنراوە فەرمیەی گۆڕان کە دژی پرسی ریفراندۆم بوو، لە کاتێکداببوو کە پێشتر بەشێک لە نوسەر و پەرلەمانتارانی گۆڕان کە بەردەوام دژی سەرکردایەتی کورد بڵاوکراوەیان هەیە، دژایەتی خۆیان بۆ ریفنرادۆم راگەیاند و پەرلەمانتارێکی ئەو بزووتنەوەیە هەر زوو گوتی لە ئێستاوە نەخێر بۆ ریفراندۆم، لە هەمان کاتدا میدیای باڵی دەست رۆیشتووی یەکێتیش پشتیوانی لە دژایەتی ریفراندۆم دەکات و هەوڵی بێ بایەخکردنی دەدات، ئەمەش دوای ئەو راپرسیەی کەناڵی Nrt دەرکەوت کە لە راپرسیەکەیدا بۆهەر دەنگێکی نەخێر ١٥ دەنگ هەژمار دەکران، لەکاتێکدا دەنگی بەلێ هەر بە یەک دەنگ هەژمار دەکرا. “کلیک بکە” لە بەرامبەردا شرۆڤەکارانی سیاسی دەلێن: باڵی دەست رۆیشتووی یەکێتی کە بەردەوام پاڵپشتی یەک پارچەیی خاکی عێراق دەکەن و لەگەڵ گۆڕان بە سەرپەرشتی ئیران رێککەوتنیان لەگەڵ مالیکی هەیە بەوەی سلێمانیان بۆ لەهەرێم جیا دەکاتەوە، هەر لە دوای هێنانی مالیکی پرۆسەی دژایەتی سەربەخۆیان دەستپێکردووە و خەڵکی ژێر سنوری دەسەڵای خۆیان راهێناوە، بۆیە تۆبخانەکە دەمێکە کەوتۆتە کار. دەشلێن: ئەوان دڵیان بە ئێران خۆشکردووە کە پاڵپشتیان دەکات و سنورەکەیان دادەبڕێنێ لەو سەربەخۆییەی کە بە قسەی ئەوان تەنها موڵکی بارزانیە، بەڵام لە راستیدا سەربەخۆیی و گشت پرسی مافێکی سروشتی کوردە و بابەتێکی حزبی نیە، بارزانیش لە کۆکردنەوەی لایەنەکان بۆ تاوتوێ کردنی ئەو پرسە چارەنوسازە و بە تێکرای دەنگی لایەنەکان کە وادەی ئەنجامدانی گشت پرسیان دیاری کرد، بۆ ئەوەیە تاوەکو بابەتەکە بە حزبی نەکرێ، بەڵام تۆپخانەکانی باڵی دەست رۆیشتووی یەکێتی و گۆڕان بە سەرپەرشتی تۆبخانەکانی ئێران دەیانەوێ ئەو پرسە بخەنە قالبێکی حزبی. دەشلێن: ئامانج لەم سیاسەتە حزبیەی تۆپخانەکانی باڵی دەست رۆیشتووی یەکێتی و گۆڕان بەرامبەر سەرۆکی هەرێم و ریفراندۆم، جگە لە بێ ئومێد کردنی خالکی کوردستان هیچی تری لێ کاڵنابێتەوە، بەڵام خەڵک هۆشیارە و کورد ئیتر دوای ئەو هەموو قوربانی و ماڵ وێرانیە کە هیچ کار دەرفەتی وەها گەورە و مێژوویی دەست نەکەتووە لە دەستی نادات، ئەوکاتیش میللەت هەر بڕیارێک بدات، سەرکردایەتی کورد ناچار بە پابەندبوون دەبێت.

زیاتر ...
په‌ڕه‌یله‌ 8
ژماره‌ی بابه‌ت