کوردستانی
گۆڕینی گەندەڵی واجبە‌
  15/09/2018
  1101
گۆڕینی گەندەڵی واجبە م. محمد سان پێغەمبەری خۆشەویستمان زۆر جوان شێوازی گۆڕینی خراپەکاری وگەندەڵی ئاماژە پێداوە بۆمان . ئەم فەرمودە بەو واتایە نایەت کەهەردەبیت دەنگ بدەی ، بەڵکو هەندیجاریش دەنگ نەدانیش دەگرێتەوە بەوەی ئەگەر دڵنیابوی دەنگ نەدانت وپەنجەنەکردن بەمرەکەبی دەنگدان دەبیتە هۆی شەرعیەت سەندنەوە ولاوازکردنی خراپەکار وگەندەلکار بەم جۆرەش هەرگۆرانکاریە بەدەست. بەڵام ئایا لەم کات وساتەدا دەنگدان واجبە یان دەنگ نەدان ؟ بەبۆچونی من ئەگەر هەر4 حزبەکە بەیەک هەڵوێست بڕیاری دەنگ نەدانیان بدایە ،ئەوە دەنگ نەدان دەبویە واجب ونزیکتربوو لەگۆرانکاری وسەندنەوەی شەرعیەت لە گەندەڵکار وخراپەکار. بەڵام لەئێستادا کە بڕیاری بەشداریکردن دراوە هیچ هێزو لایەنیکی کاریگەر لەدەروەی دەنگدان نەماوەتەوە ، لیرەوە دەنگدان دەبیتە واجب و دەنگ نەدان دەبیتە کەمتەرخمی- تائاستی تاوان- وهەڵە خویندنەوەی دۆخەکەو تینەگەیشتن لەشێوازی گۆرانکاری . لەکاتیکدا هەندێ موسڵمان ئەم فەرمودە گۆڕانکاری بەدەست بەچەک تیگەیشتون هەڵەیە ، لەبەرئەوە ئەم فەرمودە گشتیە و ( من ) ژن وپیاو گەنج وپیر دەگرێتەوە وچەک هەڵگرتن تایبەتە (خاص)ەبەچین وتوێژیکی دیاری کراو کە دەگونجێ بەشێک لەم فەرمودە بیگرێتەوە نەوەک تەواوی دەقەکە وا ڕاڤەبکرێ وە لەئێستەی سەردەمی نوێش بەهێزترین هۆکار بۆگۆرانکاری ئەم شێوازە مەدەنیەی گۆرانکاریە ، بەڵام پێویستی بەسەبر وئارامگرتنیکی زۆر هەیە ودەبێت بەزووی چاوەرێ ئەنجامەکەی نەبیت وبەڵکو هەنگاو بەهەنگاو لەگەڵ هۆشیار کردنەوە جەماوەر وبەرێژە گۆرانکاریەکە ئەنجام دەدرێت . هەرچەندە خەڵکی کوردستان زۆر بێئومێدە لەم شێوازە . بەلام دەبێت هەموومان ئەو راستیە بزانین کە گۆرانکاری کراوە وبەرهەمیشی هەبوە . بەبەڵگەی ئەوەی سەرەتا یەکیتی وپارتی بەدەنگی راستی خۆیان دەرئەچون ، بەلام ئیستە پەنا بۆ تەزویر دەبەن ، کەواتە گۆرانکاری هاتوەتە ئارا . لیرەوە مەرحەلە وشەرە گەورەکە هاتوەتە پێشەوە وبەهەموولایەک دەبیت کار بۆئەوەش بکەین کە دۆخی تەزویریش تیپەرینین وبەتەزویریش فریای بردنەوە وزۆرینە نەکەون . وە ئێمەی موسلمان ئەوەمان لەسەرە کەبە نیەت پاکی وهۆشیارانە ئەرکی خۆمان ئەنجام بدەین و خوای گەورەش هەرئەوەندەمان لێداوادەکات (لایکلف اللە نفسا الا وسعها) دوای ئەوەش بلیین ( ومن یتوکل علی اللە فهو حەسبە )و(حسبنا اللە ونعم الوکیل) د سان

زیاتر ...
په‌ڕه‌یله‌ 8
ژماره‌ی بابه‌ت