کوردستانی
بەیاننامە ى ناره زايي‌
  22/10/2018
  790
بەیاننامە ى ناره زايي پاش راگەیاندنی ئەنجامە فەرمیەكانى هەڵبژاردن لەلایەن كۆمیسیونی باڵای هەڵبژاردن و راپرسی كوردستان بە زۆرینەی دەنگی كۆمیسیاران پارتی و یەكێتی و، واژوونەكردنی ئەنجامەكان لەلایەن نوێنەرانی گۆڕان و یەكگرتوو و كۆمەڵی ئیسلامیەوە. بۆ هەموان دەركەوت كە ئەو دیموكراتیتەی كە ئەم دوو حیزبە بانگەشەی بۆ دەكەن تەنها و تەنها شیعارەو هیچی تر ... چ جای ئەو هەموو پێشێلكاری و خروقاتەی ئەم دوو لایەنە كردویانە. ئيَمە وەك لایەنێكی بەشدار بوو لە لیستی بەرەو ئیصلاح دەنگمان دەخەینە پاڵ هەموو ئەو لایەنانەی كە بەم دەرەنجامانە رازی نابين و داواكارین بەرەیەكی فراوان دروست ببێت بەهەر ناوێك بێت بۆ بەرهەڵستی ئەم هەموو زوڵم و زۆرەی لە میللەت دەكرێت و ئامانجیان بێ هیوابوونیەتی و تەسلیم بوونە بە ئەمری واقیع. لەلایەكی تریشەوە زۆر سوپاس و پێزانینی خۆمان ئاراستەی هاوڵاتیانی كوردستان دەكەین بەتایبەت ئەوانەی دەنگیان پێداوین و ماندووبوونە بۆ سەرخستنی لیستی بەرەو ئیصلاح بەتایبەت براو خوشكانی بزاڤی چاكسازی و گەشەو یەكگرتووی ئیسلامی و بزووتنەوەی ئیسلامی كە وەك بزانم ئەوەی لە توانایاندا بوو كردیان ، لەسەرمانە هەوڵدان دەرەنجامەكان جار وا هەیە بە ویستی ئێمە نیە بەتایبەتی لە شوێنێكی وەكو كوردستان كە بە زمان حاڵی دوو حیزبی قۆرغكار ساختەكاری تێدا كراوە. هەروەها قەدرو پێزانینم ئاراستەی كەس و كارو هاوڕێانم دەكەم كە بە دەنگیان و بە بازویان و بە دوعایان لەگەڵماندا بوونە و پەیمانیان بۆ تازە دەكەینەوە كە كۆڵ نەدەین و بەردەوام بین بۆ وەرگرتنەوەی مافەكانیان . دەست لەناو دەست و پشت بە خوا. دكتۆر محمد بازیانی سەرۆكی بزاڤی چاكسازی و گەشە 21/10/2018

زیاتر ...
په‌ڕه‌یله‌ 8
ژماره‌ی بابه‌ت